Tenor il servetsch svizzer da terratrembels da l'ETH saja il terratrembel probablamain stà da sentir en vischinanza da l'epicenter. Cun donns na saja però betg da quintar tar in terratrembel da questa fermezza.
Gia l'emna passada avevi dà in terratrembel en questa regiun – cun ina fermezza da 4,3 sin la scala da Richter. Quel è tut tenor stà da sentir en l'entira Svizra. Tar terratrembels da questa fermezza èn pitschens donns pussaivels.