Svizra - Ultimas preparativas

Var 3000 persunas èn involvidas avant e durant la festa d’avertura e la festa populara la fin d’emna, per che tut funcziunia bain. Era anc la saira avant l’avertura vegn fatg emprovas per l’inscenaziun da Volker Hesse e quai ad Erstfeld sco era a Pollegio. Las firmas da catering prepara tut quai ch’era pussaivel per ils giasts, metta a maisa, prepara buffets e decorescha.

Segirtad

Gia en funcziun èn ils dispositivs da segirtad. Uschia vegn fatg controllas sco sin ils plazs aviatics avant ch’ins vegn sin ils plazs. Polizia è da vesair dapertut. Ils plazs èn serrads giu uschia ch’ins na vegn betg sin quels. Era a Sedrun è il militar e la polizia vid survegliar l’entrada a la Galaria che maina viaden en il culm e suenter var 800 meters profund fin giu en il tunnel.

Pollegio ha gì da cumbatter cun l’aua

Ils ultims dis hai dà a Pollegio anc dapli lavur che planisà. Pervia da la plievgia è sa rimnà aua uschia ch’igl è stà da tschentar dapli plattas per ch’ils envidads na stoppian betg ir tras la buglia u era pumpar davent aua.

Tant en il nord sco en il sid èn ils plazzals pronts per las visitas prominentas per l’avertura.