Svizra - Uniun sindicala pretenda augment da paja general da 1,5%

I saja pussaivel, giustifitgà e necessari da conceder in augment da paja da 1,5% en quasi tut las branschas, pretenda l'Uniun sindicala svizra.

Necessaria saja quest augment era, perquai che la differenza tranter las pajas autas e las bassas vegnia pli e pli gronda. Ultra da quai s'augmentian era ils custs da viver puspè.

L'avust aveva l'Uniun tetgala dals lavurants travail.suisse pretendì augments da paja da radund 1%.

RR novitads 11:00