Legenda:
Datiers da Château-d’Oex en il chantun Vad mora in um da 39 en ina lavina (maletg da simbol).
Keystone
cuntegn
Svizra - Vad: Ina persuna mora en ina lavina
Sin il territori da la vischnanca Château-d’Oex en il chantun Vad mora in um da 39 onns suenter ina distatga da lavina. Dus ulteriurs alpinists han pudì sa deliberar sez. Quai communitgescha la Polizia chantunala dal Vad.
Sin il territori da la vischnanca Château-d’Oex èn sonda enturn las 13:00 uras trais alpinists vegnids tschiffads dad ina lavina. A dus dals alpinists saja gartegià da sa deliberar. Il terz hajan las forzas da salvament be pli pudì chattar mort.
Ils trais alpinists faschevan part dad ina gruppa da set persunas or da la Frantscha. Ils dus lev blessads èn vegnids transportads en l'ospital da Château-d’Oex.
