Legenda:
Grafica
58 pertschient dals dumandads en il Vallais schessan "na" ubain "plitost" na al credit da 100 milliuns francs per la candidatura da "Sion 2026".
RTR
cuntegn
Svizra - Vallais na vul probabel betg dar in credit per «Sion 2026»
Ina retschertga tar passa 2'700 persunas dal Vallais mussa, che 58% dals dumandads na vulan betg u probablamain betg dar in credit da 100 milliuns francs sco sustegn per la candidatura «Sion 2026».
Sco argument principal han ils dumandads inditgà, che 100 milliuns francs sajan memia blers daners. Las persunas che dessan percunter in credit faschessan quai cunzunt per preschentar il Vallais sin la tribuna internaziunala.
Sco quai che la retschertga sin incumbensa da RTS mussa èn tranter ils 58%, che schessan «Na» al credit, cunzunt las dunnas pli criticas. Be in terz da las dunnas dumandadas fissan per sustegnair il credit per la candidatura da «Sion 2026», tar ils umens fiss la mesadad persuenter.
