Legenda:
Il pasterner «Brezelkönig», che tutga tar Valora, haja contribuì a la svieuta da ina milliarda francs.
Keystone
cuntegn
Svizra - Valora vendì dapli – ma gudagnà damain
L'interpesa Valora, che maina tranter auter kioscs, è creschida en l'emprima mesadad da l'onn 2018 grazia a la surpigliada da l'interpresa Backwerk, grazia a stans da brezels che marschan bain e grazia a dapli posts da vendita en l'exteriur.
En cumparegliaziun cun la medema perioda da l'onn passà e la svieuta creschida per 7,6% sin ina milliarda francs. Cunzunt ils stans d'alimentaziun hajan fatg bunas fatschentas, communitgescha Valora. Il gudogn è dentant sa reducì per 12,7% sin 21 milliuns francs. La raschun per questa sminuziun è ina rectificaziun da la valur en in champ commerzial che l'interpresa n'ha betg manà vinavant.
