Legenda:
Christiane Schraner Burgener, la nova incumbensada speziala da l'ONU.
Keystone
cuntegn
Svizra - Svizra vegn incumbensada speziala da l'ONU
L'ambassadura svizra a Berlin, Christiane Schraner Burgener daventa la nova incumbensada speziala da l'ONU per il Myanmar. Il secretari general da l'ONU, Antonio Guterres, ha nominà uffizialmain la diplomata per il nov post, uschia ha ditg in pledader a New York.
Christiane Schraner Burgener ha 55 onns ed è dapi il 2015 ambassadura svizra a Berlin. Dal 2009 fin il 2015 è ella stada ambassadura en la Tailanda. Il Departament federal per affars exteriurs beneventa la decisiun da Guterres.
En il Myanmar èn dapi l'avust 2017 radund 700'000 Rohingya's, la minoritad muslima, fugids en il Bangladesch. Il Cussegl da segirtad da l'ONU visita ils proxims dis la regiun per sa far in maletg da la situaziun.
