Legenda:
Il vent ha buffà cun spertadads da fin 175 km/h.
Keystone
cuntegn
Svizra - Vents cun fermezza d’orcan en il Giura
En il Giura han meteorologs mesirà vents cun ina fermezza d’orcan. Sin il piz Chasseral sajan vegnidas mesiradas spertadads da fin 175 km/h, scriva MeteoNews. Schebain i ha dà donns n’è betg enconuschent.
En media haja il vent buffà cun passa 120 km/h. Sin il Säntis en la Svizra orientala, èn vegnidas mesiradas spertadads da 118 km/h. Il vent ha era puspè purtà enavos l'enviern. Aifer paucas uras èn las temperaturas sa sbassadas per var 10 grads.
