La resoluziun cuntegn quatter pretensiuns:
- sortir dals products energetics fossils fin il 2050,
- pajar 10 raps sin carburant a favur dal clima,
- ina finanziaziun gista al chaschunader per mesiras cunter la midada dal clima
- ed ina taxa sin bigliets da sgol.
La stad 2018 haja mussà che la midada dal clima midia er la Svizra e saja in privel direct per il pajais, hai num en la communicaziun. Cun la resoluziun vulan ils verds promover anc pli ferm ed a moda consequenta la protecziun dal clima en Svizra.
La protecziun dal clima n'è per nus nagina moda. La protecziun dal clima è tar nus program. La politica sto stgaffir cundiziuns da basa liantas per il sigl en il temp senza combustibels fossils.
RR novitads 17:00