Siglir tar il cuntegn

Header

cuntegn

Svizra Veterinaris dovran adina damain antibiotica

Las veterinarias ed ils veterinaris en Svizra han danovamain duvrà damain antibiotica l'onn passà. Cumpareglià cun l'onn avant è la quantitad sa reducida per radund 4%. En las classas criticas d’antibiotica è la quantitad sa sbassada per bunamain 9%, quai communitgescha l'Uffizi federal veterinar.

Aifer diesch onns è la vendita d'antibiotica tar il sectur veterinar ida enavos per la mesadad. Il 2011 eran quai anc 60’000 kilos, il 2020 be pli 29'000. Quai saja in indizi sin ina sensibilisaziun pli gronda tar las veterinarias e veterinaris, uschia l'uffizi. Sch'antibiotica vegn duvrada memia savens u fauss, pon sa furmar scherms resistents. Las consequenzas pon esser grevas infecziuns tar animals ed umans che mangian la charn.

audio
Per tadlar: las novitads da las 06:00
ord RTR Audio dals 29.07.2021.
laschar ir. Durada: 5 minutas 2 Secundas.

RTR novitads 06:00;

Artitgels legids il pli savens