Pervi da las manipulaziuns da VW vegnia l'aria en Svizra engrevgiada supplementarmain ad onn cun 1'600 tonnas oxids azotics. Las cumpensaziuns finanzialas che VW offreschia na nizzegian nagut a carstgauns ed ambient, uschia il WWF Svizra.
Il WWF pretenda plinavant da la politica d’agir. Tar cugliunarias da svapur stoppia la cumpensaziun reala esser ina sancziun legala obliganta. Plinavant stoppian ils tests da svapur uffizials, ch’èn dapi onns gia enconuschents sco pauc fidads, furnir in maletg realistic da las substanzas nuschaivlas emessas.
RR novitads 12:00