Svizras e Svizzers fan vinavant gugent viadis

Nov da diesch persunas sesentas en Svizra han fatg l'onn passà almain in viadi cun star sur notg ina u pliras giadas. Passa 22 milliuns tals viadis han ins dumbrà il 2016.

um che viagescha cun il tren Bild in Lightbox öffnen.

Legenda da maletgs: Mintga Svizra e Svizzer ha fatg en media 3 viadis cun pernottaziun il 2016. Keystone

Mintga Svizzer e mintga Svizra ha fatg en media radund 3 viadis cun pernottaziun il 2016. E var dus terzs da quests viadis èn ids en l'exteriur, sco l'Uffizi federal da statistica scriva. Il pli savens è quai stà viadis en ils pajais vischinants Germania, Italia e Frantscha. Uschia è il dumber dals viadis da la populaziun Svizra creschì cumpareglià cun ils onns avant.

Sursiglir cuntegn supplementar

La retschertga

A la retschertga da l'Uffizi federal per statistica han fatg part radund 3000 persunas en la vegliadetgna da 6 onns ensi. Sco viadis cun pernottaziun quinta l'uffizi absenzas da fin 1 onn.

Ils pli blers viadis ha fatg la populaziun da la Svizra tudestga cun 3 viadis cun pernottaziun – da la Svizra franzosa eisi 2,9 per persuna e da la Svizra taliana èsi 2,6 viadis per persuna.

Era las expensas èn creschidas

Per in viadi privat cun pernottaziun hani pajà il 2016 radund 147 francs per di – quai è 9 francs dapli che l'onn avant. Per ils viadis en l'exteriur han Svizras e Svizzers impundì radund 160 francs per di – quai ch'è radund in terz dapli che per ils viadis aifer la Svizra. Cumprais en quests pretschs èn custs da transport, nutriment ed ulteriuras expensas.

RR novitads 17:00