Dals 770'900 Svizzers e Svizras en l'exteriur vivan bunamain 200'000 en la «Grande Nation», la Frantscha. Suandà da la Germania (92'200), ils Stadis Unids (81'100), l'Italia (bunamain 50'000) ed il Canada (var 40'000).
Il mument è la vischnanca dals Svizzers a l'exteriur il quart grond chantun, pudess dentant bainbaud cuntanscher plazza trais. Lezza ha il mument il chantun Vad cun 800'000 abitantas ed abitants.
S'augmentà il pli ferm è l'onn passà l'interess da Svizras e Svizzers d'emigrar en l'Asia (+ 2%) ed en l'Europa (+ 1,7%). En l'Africa han pli paucs vulì ir ( - 0,5%). Dus terzs dals Svizzers a l'exteriur vivan en l'Europa.