Siglir tar il cuntegn
Inhalt

Svizra Svizzers èn campiuns europeics d'ir cun tren

En media ha mintga Svizra e mintga Svizzer nizzegià 72 giadas in tren l'onn 2016. Quai è in record europeic sco il Servetsch d'infurmaziun per il traffic public scriva. Gnanca la mesadad viadis per persuna han ils vischins da la Svizra, la Germania e l'Austria.

staziun da tren, pliras persunas spetgan avant in tren per entrar
Legenda: Millis e millis persunas en Svizra nizzegia mintga di il tren. Keystone

Davos la Svizra è il Luxemburg cun 38 viadis da tren, lura suonda il Danemarc (37), la Germania (34) e l'Austria (33). A la fin da la tabella sa chatta l'Irlanda cun nov viadis per persuna.

Era quai che pertutga la distanza fatga cun trens èn ils Svizzers e las Svizras lunsch ora a la testa. Il 2016 ha mintga Svizzer e mintga Svizra - fatg 2'463 kilometers cun il tren. Sin plazza dus è l'Austria cun 1'425 km per persuna.

RR novitads 12:00