La sceptica davart la politica europeica crescha vinavant. Anc fissan 52% da la populaziun cunter ina desditga da la cunvegna davart la libra circulaziun da persunas – 44% fissan dentant pronts da desdir la cunvegna. Quai èn 4% dapli che avant trais mais.
Damain cuntentientscha cun la politica
La cuntentientscha cun il Cussegl federal sco er cun il parlament vegn adina pli pitschna. La cuntentientscha cun il Cussegl naziunal ed il Cussegl dals chantuns è sa sbassada da 45% sin 41% – quella cun il Cussegl federal da 46% sin 39%. Ils pli gronds quitads da la populaziun resta dentant ils custs da sanadad creschents da e la renta da vegliadetgna. La relaziun tar l’Uniun Europeica suonda sin plazza 4 gist suenter il tema migraziun.
Situaziun da partidas stabila
Fissan oz elecziuns naziunalas sa midass dentant pauc vi da la constellaziun politica en Svizra. La PPS restass la pli ferma partida cun 29,7%, la PS vegniss sin 17,9%, la PLD cuntanschess anc 17%, 9,9% da la populaziun dessan lur vusch a la PCD, 7,1% als verds, la partida verd-liberala survegniss 5,7% da las vuschs e la PBD 4%.
RR novitads 06:00