Svizzers han lavurà l'onn passà 7 minutas damain

L'onn passà han las lavureras ed ils lavurers svizzers fatg en total 7,889 milliardas uras da lavur. Quai èn 2,3% dapli ch'il 2014. Sco quai che l'Uffizi federal da statistica communitgescha è il temp da lavur emnil però sa reducì ils ultims 5 onns sin ina media da 41 uras e 17 minutas.

In'ura per mesirar il temp la lavur en fatschenta. Bild in Lightbox öffnen.

Legenda da maletgs: Las pli bleras absenzas (77%) ha quai dà il 2015 pervi da la sanadad (malsogna u accident). Keystone

Questa reducziun per 7 minutas tranter il 2014 e 2015 vala per la lavur a temp cumplain. Tar la lavur a temp parzial è il temp da lavur emnil s’augmentà per 4%. Ils motivs per quai augment èn l’augment dals emploiads (+2,6%) e dal temp da lavur annual effectiv per plazza da lavur (+1,4%).

45 uras/emna en manaschis gastronomics

Il pli ditg vegn lavurà en il sectur primar da l'agricultura cun bunamain 45 uras per emna. I suondan ils secturs da la gastronomia (42 uras e 17 minutas), assicuranzas e credits (~42 uras) ed ulteriurs servetschs (~41,5 uras).

Las vacanzas annualas èn creschidas sin 5,15 emnas. Las pli bleras absenzas ha nudà la sparta da sanadad e dal socialesser.

RR novitads 12:00