Siglir tar il cuntegn
Inhalt

Svizra Svizzers n'han betg tema d'ina catastrofa atomara

Passa la mesadad dals dumandads han respundì cun na a la dumonda dal perscrutader dal martgà Marketagent.com. Ils blers din dentant tuttina gea a l'iniziativa per l'abandun da l'energia nucleara.

Ins vesa da lunsch l'ovra atomara a Leibstadt en il chantun Argovia - davant ha i in prà cun flurs.
Legenda: L'ovra atomara a Leibstadt en il chantun Argovia. Keystone

En tut han 54,5 pertschient dals dumandads ditg ch'els na temian betg ina catastrofa atomara en Svizra. 37,3 pertschient han respundì ch'els hajan tema ed 8,2 pertschient eran indecis.

Per l'iniziativa

En questa retschertga han 51,5 pertschient ditg ch'els sajan per l'iniziativa. 23,9 pertschient din na a quella e 24,6 pertschient èn anc indecis.
Tranter ils 27 d'october ed ils 4 da november 2016 ha Marktagent.com dumandà 1'073 persunas cun dretg da votar da la Svizra tudestga e la Svizra franzosa.

RR novitads 11:00