Siglir tar il cuntegn
Inhalt

Svizra Svizzers pajan il pli gugent en contant

Daner blut è il med da pajar il pli popular da Svizras e Svizzers. Ils pajaments cun cartas sa derasa dentant adina pli fitg, er pajaments cun il telefonin. Sco irrelevantas valan il mument bitcoins ed autras criptomunaidas. Quai tenor ina retschertga dal servetsch da cumparegliaziun Moneyland.ch.

Persuna cun ina bursa e daners.
Legenda: Per pajar na vulan 87% da las persunas dumandadas betg desister sin daners bluts. Keystone

Per pajar na vulan 87% da las persunas dumandadas betg desister sin daners bluts. Tar cartas da credit èn quai 70% e tar cartas da debit, sco cartas EC èsi anc stgars 47%. 9,5% èn da l'avis che Twint e 6,5% Apple Pay saja indispensabel. Tar bitcoins ed autras criptomunaidas èn be 2,5% da l'avis ch'ins dovria quest med da pajament.

Differenzas tranter champagna e citad

En la Svizra franzosa vegn pajà damain cun daner blut, dentant pli savens cun il telefonin (cun excepziun da Twint). Auter ch'èn la Svizra tudestga. Tar il daner blut datti era ina differenza tranter champagna e citad: sin champagna vegn il daner blut apprezià dapli che en las citads. Pajaments cun telefonins èn dentant tant en la citad sco sin la champagna egual appreziads.

La retschertga è vegnida fatga sin incumbensa da Moneyland.ch da l'institut da perscrutaziun GfK. Dumandà èn vegnidas 1517 persunas en la Svizra tudestga e la Svizra franzosa.

RR novitads 10:00