Siglir tar il cuntegn

Svizra Svizzers sustegnan politica d'Europa da Cassis

La maioritad dals Svizzers sustegna la politica d’Europa dal minister da l’exteriur Ignazio Cassis. Quai demussa ina retschertga represchentativa da l’institut da perscrutaziun gfs.berna – sco quai che la «NZZ am Sonntag» scriva.

Purtret d'Ignazio Cassis durant in pled.
Legenda: La maioritad dals Svizzers sustegna la politica d'Europa dad Ignazio Cassis. Keystone

Tenor quella retschertga èn 54% dals dumandads per ina dretgira da cumpromiss. Quella dretgira duai decider tar dispitas tranter la Svizra e l’Uniun europeica e sa cumponer da derschaders svizzers ed europeics. Er simpatisants da la Partida populara svizra sustegnan per gronda part l’idea d’ina dretgira da cumpromiss. Quai malgrà che la partida è da princip cunter ina cunvegna da basa cun l’UE.

Be 35% sustegnan il sistem che vala oz. Là datti in comité maschadà da represchentants da l'Europa e da la Confederaziun che discuteschan temas en rom da las bilateralas. Schliaziuns liantas datti dentant be sch'ins è perina. Be 4% vulan ch'il Tribunal europeic pudess decider.

RR novitads 09:00