Siglir tar il cuntegn

Svizra Svizzers van il pli savens en l’ospital pervia d’artrosa

En Svizra han in milliun carstgauns sa laschà tractar l'onn passà a moda staziunara en in ospital. Quai è in otgavel da la populaziun e tant sco ils ultims onns er.

Medi ch'intercurrescha in schanugl.
Legenda: Cun 185'000 cas èn pazients cun problems da la schhanuglia e dal chalun vegnids staziunads il pli savens. Keystone

Cunquai ch'ina part dals pazients han duvrà plirs tractaments hai dà radund 1,4 milliuns ospitalisaziuns, quai mussan ils resultats davart il provediment da sanadad da l'Uffizi federal da statistica. Tut en tut èn quai 11,7 milliuns dis da tgira.

La diagnosa ch’è vegnida dada il pli savens è artrosa dal schanugl u dal chalun, silsuenter suondan blessuras - surtut squassadas dal tschrvè. Bunamain in tschintgavel dals pazients han sa laschà tractar ordaifer lur chantun da dimora. Questa cumpart variescha fermamain da chantun a chantun.

Las expensas dals ospitals èn creschidas per radund 2% sin 28,1 milliardas francs. Dapi il 1999 èn quellas uschia s’augmentadas per passa il dubel.

RR novitads 11:00