En l'emprim mez onn è il gudogn da Swatch, il producent d'uras svizzer, sa reducì sin bundant 260 milliuns francs (-52%). Er tar la svieuta hai dà in minus da 11% sin 3.7 milliardas francs. Quai cumpareglià cun il medm temp da l'onn avant. Swatch patescha cunzunt da la mancanza da turists en l'Europa suenter ils attentats a Brüssel ed en Frantscha.
Pli paucas incumbensas grondas tar ABB
Il gudogn net dal concern d'electronica svizzer ABB è sa reducì sin bundant 400 milliuns dollars (-31%). La svieuta è sa reducida per 5% sin 8,7 milliardas dollars. Sco raschun principala numna ABB ch'il dumber d'incumbensas grondas è sa reducì. Il schef dal concern d'electronica, Ulrich Spiesshofer, è dentant oprimistic perquai che las empustaziuns en la China èn s'augmentadas per 18%, sco el ha ditg envers l'agentura da novitads SDA.
RR novitads 07:30