Il concern ha vendì marcantamain damain uras e bischutaria il 2016: La svieuta è sa reducida per 10,6% sin 7,6 milliardas francs. Quai ha communitgà Swatch. Quest resultat saja tranter auter d’attribuir al dumber da turists en l’Europa che saja sa reducì marcantamain l’onn passà. Cunzunt ils giasts da la China manchian.
Ultra da quai hajan sancziuns da l’Uniun europeica ed ils Stadis Unids cunter la Russia procurà ch’er damain giasts da questa regiun visitian l’Europa.
Prognosas levet optimisticas
Il segment d’uras e bischutaria saja dentant creschì fitg bain ils ultims trais mais – quai cunzunt en la China. En vista a quest svilup positiv quinta il producent d’uras svizzer per l’onn current da crescher. Quai ha communitgà Swatch.
RR novitads 08:00