Tar la societad aviatica Swiss è il gudogn da manaschi crudà ensemen marcantamain l’emprim mez onn dal 2016. Il gudogn è sa reducì per 28% sin 153 milliuns francs.
La svieuta è sa reducida per 3% sin radund 2,3 milliardas francs. Quai ha communitgà la societad aviatica Swiss. Quest resultat saja tranter auter d'attribuir al ferm franc svizzer. Ma er il dumber da passagiers è sa reducì per bunamain 1% sin 7,7 milliuns.
