Siglir tar il cuntegn

Header

cuntegn

Svizra Swiss è il plaz da lavur il pli attractiv

La societad aviatica Swiss è il pli attractiv patrun en Svizra. Quai demussa ina retschertga tar las 150 firmas las pli grondas dal pajais.

L'intermediatur da lavur Randstad ha dumandà 4'800 persunas en la vegliadetgna tranter 18 e 65 onns, en tge interpresa ch'els lavurassian il pli gugent. La resposta la pli frequenta è stada: per la societad aviatica Swiss. La Swiss ha uschia surpiglià il plaz da Google, ch'era ils davos tschintg onns il «victur». Quest onn è el pervia dal reglament però betg vegnì reguarda.

La branscha aviatica para en general d'avair ina tscherta tentaziun: sin plaz 2 è l'eroport da Turitg e sin plazza 9 Swissport.

Tipic svizzer

Er jobs tar interpresas d'uras èn per ils dumandads attractivs: Patek Philippe è sin plazza 3, Rolex sin plaz 4 e la Swatch Group sin plaz 6. Ma er tar il producent da cuntès da satg Victorinox (plaz 5) u il producent da tschigulatta Lindt & Sprüngli (plaz 8) lavuressan blers gugent.

16 criteris èn vegnids resguardads, tranter auter conturn da lavur, paja, segirtad dal plaz da lavur e la ballantscha tranter vita e lavur.

RR novitads 09:00

Artitgels legids il pli savens