La societad aviatica Swiss ha transportà l'onn passà 16,3 milliuns passagiers. Quai èn 0,9% dapli ch'avant in onn. Damai che la Swiss ha dentant fatg dapli sgols vul quai dir ch'ils aviuns èn stads occupads main bain. En media eran 83,4 da 100 sezs occupads, levamain pli pauc ch'il 2014.
Er il concern mamma, Lufthansa, ha transportà dapli glieud, quai malgrà las chaumas. En total ha la Lufthansa registrà 107,7 milliuns passagiers, 1,6% dapli ch'il 2014.
Tar il traffic da rauba han dentant Swiss sco er Lufthansa nudà sminuaziuns.
RR novitads 15:00
sda/hs