Sin l’areal d’ina firma da laina a Menznau en il chantun Lucerna è rut or in incendi oz en damaun. L’incendi saja rut or en in deposit da laina da la firma Swiss Krono han communitgà ils pumpiers. Pertutgada saja ina surfatscha da radund 12milli meters quadrat. Radund 240 pumpiers sajan en acziun per cumbatter las flommas.
Las lavurs da stizzar sajan difficilas e vegnian probabel a cuzzar pli ditg. Tenor la polizia n’èn naginas persunas vegnidas blessadas. Dentant impedeschia l’incendi il traffic regiunal. Uschia saja il traffic a viafier tranter Langenthal e Wolhusen interrut.