Siglir tar il cuntegn
Inhalt

Svizra Swiss Life cun megler resultat che spetgà

Il concern d'assicuranzas Swiss Life ha fatg dapli svieuta ils emprims nov mais da quest onn. Las entradas da premias sajan s'augmentadas per 3% sin 13,8 milliardas francs. Quai ha communitgà il pli grond assicurader da vita en Svizra.

Entrada principala da Swiss Life a Turitg.
Legenda: Buna svieuta durant ils emprims nov mais per l'assicurader da vita Swiss Life. Keystone

Ina raschun per il augment saja la nova orientaziun da la fatschenta: Swiss Life sa focussescha pli fitg sin administraziun da facultad e prestaziuns da servetsch. Las fatschentas tradiziunalas d'in assicurader da vita giaja dentant enavos tar Swiss Life. Cun talas fatschentas vegnia fatg adina pli pauc gudogn.

Il schef dal concern, Patrick Frost, manegia che Swiss Life cuntanschia las finamiras da l'onn. Exactas cifras publitgescha il concern be mez e fin da l'onn. Il pli grond assicurader da vita en Svizra haja dentant reussì meglier che spetgà.

RR novitads 08:00