Siglir tar il cuntegn

Svizra Swiss noda dapli sgols, damain passagiers

La societad aviatica Swiss ha fatg dapli sgols en l’emprima mesadad dal 2016. Dentant è il dumber dals passagiers levamain ì enavos, sco l’interpresa scriva. Il zercladur ha la Swiss dentant puspè pudì augmentar il dumber da passagiers.

Passagiers a l'eroport a Turitg, en il fund il logo cotschen da la Swiss.
Legenda: La Swiss ha nudà damain passagiers che sia societad-mamma Lufthansa. Keystone

La societad aviatica Swiss ha fatg 1,4% dapli sgols durant ils emprims sis mais dal 2016. Il dumber dals passagiers è dentant sa reducì per 0,9% sin 7,71 milliuns.

Lufthansa cun meglras cifras

Sco l'interpresa communitgescha saja la Swiss uschia sa sviluppada main bain che l'entira gruppa da la Lufthansa. Lezza ha augmentà tant ils sgols sco era il dumber dals passagiers transportads (+0,7% sin 51,29 miu.).

Il zercladur perencunter saja il dumber dals passagiers era creschì tar la Swiss. Il plus da l’ultim mais munta a 0,7% u 1,42 milliuns passagiers.

RR novitads 14:00