Svizra - Swiss Re cumpra enavos aczias per 1 milliarda
Il concern da reassicuranza Swiss Re ha finì ses program per cumprar enavos aczias ch'el aveva cumenzà il november passà. Fin la mesemna sajan passa 10 milliuns aczias vegnidas cumpradas enavos.
Quai per ina valur totala dad 1 milliarda francs, communitgescha Swiss Re. La media dal pretsch per mintga aczia è tar 94 francs. Las aczias vegnan destruidas cun ina reducziun dal chapital. Cun questa mesira vul Swiss Re manar enavos chapital als acziunaris.
