Siglir tar il cuntegn

Header

cuntegn

Svizra Swiss: Record da passagiers e da gudogn

L'onn passà ha la societad aviatica Swiss transportà tants passagiers sco anc mai. En tut èn 17,9 milliuns persunas sguladas cun la airline svizra. Cumpareglià cun l'onn avant èn quai 6,2% dapli. En media èn 83,4 da 100 sezs stads occupads en ils aviuns. Grazia a novs e pli gronds aviuns è il dumber da sgols creschì per be 3,5% ed uschia pli pauc ferm ch'il dumber da passagiers.

Cun in gudogn da 636 milliuns francs ha Swiss fatg l'onn passà il pli aut gudogn dapi che la societad aviatica è vegnida fundada il 2002. Cumpareglia cun il 2017 è il gudogn creschì per 16%. La svieuta è cun 5,3 milliardas francs stada 7% pli auta ch'in onn avant.

RR novitads 09:00

Artitgels legids il pli savens