Siglir tar il cuntegn

Svizra Swisscom cun dapli gudogn

Ils emprims nov mais da l'onn 2016 po la Swisscom nudar in gudogn schuber da 1,2 milliardas francs. Quai è in creschament da 13,1%, communitgescha il concern da telecommunicaziun.

In maun cun in telefonin stattan davant ina paraid cun scrit si Swisscom.
Legenda: Las cifras da la Swisscom èn da giudair cun precauziun. Keystone

L'onn passà aveva la Swisscom dentant stuì far reservas da 186 milliuns francs, pervi dad in chasti da la cumissiun da concurrenza. Quai aveva smatgà engiu il resultat da l'onn passà.

Quest onn ha i latiers anc dà daners entras in cas giuridic da la filiala taliana Fastweb. Il gudogn da manaschi avant las amortisaziuns ed EBITDA è perquai creschì per 6,7% sin 3,3 milliardas francs. Senza ils effects spezials fiss il gudogn da la Swisscom sa sbassà per 1,7 pertschient.

RR novitads 8:00