La svieuta che la Swisscom ha fatg il 2018 munta a 11,71 milliardas. Quella è 0,3% pli auta ch'anc l'onn avant. Cunquai ch'il gudogn operativ (EBITDA) è sa reducì sin 4,21 milliardas francs, resta al concern da telefonia per il quint dal 2018 sut il stritg anc in gudogn net da 1,52 milliardas francs. Sco la Swisscom communitgescha è quel 3% pli bas ch'anc l'onn avant.
Ch'il gudogn saja sa reducì argumentescha la Swisscom cun effects extraordinaris e la situaziun da munaida. Plinavant saja grev da cumparegliar il gudogn dal 2018 cun quel da l'onn avant, lura haja l'interpresa numnadamain pudì nudar ina summa ord ina procedura legala. Cun resguardar quels effects extraordinaris saja il gudogn dal manaschi sa reducì per be 0,8%, hai num en la communicaziun.
22 francs pro aczia
Acziunaris ed acziunarias duajan retschaiver – sco usità – ina dividenda 22 francs pro aczia. Per l'onn da fatschenta current quinta l'interpresa che la svieuta sa reducescha e cun in Ebitda da passa 4,3 milliardas francs.
RR novitads 08:00