Siglir tar il cuntegn

Header

cuntegn

Svizra Swisscom perda datas da clients

La Swisscom ha stizzà datas privatas da tschients clients. I sa tracta tranter auter da fotografias persunalas e videos ch'èn uss pers per adina.

La Swisscom ha confermà l'incident ch'è capità avant radund duas emnas. Ils clients avevan chargià las datas en il servetsch d'arcunar datas online «My Cloud». Las datas sajan vegnidas stizzadas per sbagl durant lavurs vid il sistem. La raschun saja in sbagl da la software. Tenor la Swisscom hajan ils pertutgads pers «ina fitg pitschna part», respectivamain maximalmain 5% da lur datas.

Per part saja gartegià da puspè reconstruir las datas. Il clients pertutgads haja la Swisscom contactà persunalmain. Plinavant haja la Swisscom prendì mesiras, per ch'in tal incident na capitia betg anc ina giada.

RR novitads 11:00