Siglir tar il cuntegn
cuntegn

Svizra Swisscom po tegnair il monopol sin l'ultima miglia

Suenter il Cussegl naziunal ha er il Cussegl dals chantuns decidì, che la Swisscom na sto betg metter a disposiziun sia rait a la concurrenza.

Cabels etc. per colliaziun da fibra da vaider.
Legenda: Tar colliaziuns da fibra da vaider po Swisscom tegnair il monopol sin l'ultima miglia. Keystone

En il sectur da las colliaziuns da fibra da vaider na dastga il Cussegl federal betg prescriver ina concurrenza. Suenter il Cussegl naziunal è er il Cussegl dals chantuns s’exprimì persuenter che la Swisscom salvia ses monopol sin l’uschenumnada «ultima miglia».

La Swisscom na sto uschia betg metter a disposiziun sia rait a la concurrenza. Senza questa segirtad pudessan las investiziuns en regiuns ruralas patir – tema la maioritad dal Cussegl dals chantuns. Il Cussegl federal aveva argumentà che l’access a l’ultima miglia saja ina cundiziun per ina concurrenza libra.

RR novitads 15:00