Siglir tar il cuntegn

Header

Purtret dal logo blau, alv, cotschen da la Swisscom.
Legenda: La Swisscom resta numer 1 en la branscha. Keystone
cuntegn

Svizra Swisscom resta numer 1 en Svizra

En il nov test dal magazin da branscha Connect, vegn la Swisscom sin 973 da 1'000 puncts pussaivels. Sunrise suonda gist suenter cun 972 puncts. L'onn passà avevan ils dus concerns anc partì la victoria.

Il terz purschider Salt, è danovamain sa tschentà sin plazza trais davos Swisscom e Sunrise. Quai cun 902 puncts. Cun quai cuntanscha Salt questa giada er la noziun «fitg bun» empè da be «bun» sco anc l'onn passà. Là era er la distanza da Salt tar Swisscom e Sunrise pli gronda. Tar las sutcategorias datti be pitschnas differenzas tranter ils dus emprims. Uschia è Sunrise stà meglier tar la telefonia, Swisscom percunter ha fatg la cursa tar la rait mobila e tar il crowdsourcing. En questas spartas hai era tanschì per la Swisscom da far bun ils puncts per la victoria.

Ils puncts che las interpresas han fatg en las trais categorias


Swisscom
SunriseSalt
Datas (max. 510 puncts)
501496473
Telefonia (max. 340 puncts)
328334302
Crowd (max. 150 puncts)
144142127

Crowdsourcing

Avrir la boxSerrar la box

Tar il crowdsourcing vegnan lavurs internas surdadas a persunas che n'èn betg sut contract cun la fatschenta. Il meglier exempel èn las communicaziuns da traffic. Ellas vegnan furnidas d'utilisaders voluntaris ed il radio dat simplamain enavant l'infurmaziun.

Ludar lauda il magazin Connect surtut la qualitad da la rait mobila sin ils trajects da viafier. En Svizra saja quella fitg empernaivla, cumpareglià cun ils pajais vischins Germania ed Austria, nua ch'i vegn medemamain fatg il test.

RR novitads 08:00

Artitgels legids il pli savens