La Swisscom ha pers avant dretgira en la dispita davart sias preprestaziuns per concurrents tar colliaziuns d'ADSL.
Tenor il Tribunal administrativ federal haja la Swisscom nizzegià ora sia posiziun da monopol.
Da principi ha ella dà raschun a la cumissiun da concurrenza WEKO. Lezza aveva decretà il 2009 in chastì cunter la Swisscom. La dretgira ha dentant reducì il chastì da 220 sin 186 milliuns francs.
La Swisscom ha adina renvià las rinfatschas. Il concern ha annunzià da trair la sentenzia avant Tribunal federal.
