Siglir tar il cuntegn

Header

cuntegn

Svizra Swisscom surpiglia duas partiziuns da Confederaziun

L'Uffizi federal per informatica e telecommunicaziun excorporescha duas partiziuns a la Swisscom. La concurrenza è stada scritta ora publicamain. A moda concreta surpiglia la Swisscom la partiziun da pachets da software ed la software per producir cuntegns per paginas d'internet CMS.

Ils proxims mais vegnian las prestaziuns surdadas a la Swisscom, scriva l'uffizi en ina communicaziun. Il pretsch per la partiziun da CMS munta ad 80,2 milliuns. Per ils pachets da software pretenda la Swisscom 65,6 milliuns francs. L'incumbensa da basa vala per 48 mais e po vegnir prolungada.

Raschuns per stuair excorporar las duas partiziuns sajan projects pli gronds e scursanidas dal preventiv. La firma che surpiglia las lavurs surpiglia er ils lavurers. En tut vegn l'uffizi da spargnar uschia 32 plazzas cumplainas.

RR novitads 12:00

Artitgels legids il pli savens