Concret duajan las lingias da la Swisscom esser vegnidas spiunadas ora. In politicher austriac Peter Pilz che conuschent per pliras scuvertas dal servetsch NSA ha preschentà a Berna mussaments. Uschia duai il servetsch secret da la Germania BND avair spiunà ora il 2005 nov lingias da la Swisscom.
Swisscom sa nagut da spiunadi
La Swisscom sez n’haja nagins indizis da spiunadi tras servetschs secrets internaziunals sco quai ch’ella ha communitgà. La Swisscom n’haja ni cun la NSA ni cun il BND contracts che lubissan da spiunar las lingias scriva il concern. Per datas che bandunan la rait da la Swisscom na possia ella dentant betg dar ina garanzia.
RR novitads 20:00