Dapi passa 20 onns s’engascha la Svizra cun la Swisscoy en il Cosovo. Ed uss po l’armada augmentar sia preschientscha – d’actualmain 165 sin 195 schuldads.
La maioritad da la chombra pitschna è stada da l’avis che l'engaschi da la Swisscoy en il Cosovo saja en l'interess da la Svizra. Vuschs cunter hai dà or da las retschas da la Partida populara e dals Verds. Avant aveva er il Cussegl naziunal ditg gea a las adattaziuns da l’engaschi.
In engaschi da diversas naziuns
Dapi l'october 1999 è la Swisscoy preschenta en il Cosovo – sco part da la KFOR, la truppa militara multinaziunala sut la direcziun da la Nato. La finamira da la KFOR è da gidar a sviluppar in Cosovo stabil e democratic – che lubescha a plirs pievels da viver ensemen. L'engaschi svizzer custa ad onn radund 41 milliuns francs. Ils daners vegnan ord la cassa da l’armada.