Svizra - Swissgrid na paja betg pli custs da colliaziun
En l'avegnir na paja la Swissgrid betg pli ils custs da la colliaziun a la rait. Ils custs per colliar cun la rait da transmissiun vegnan adossads a las ovras idraulicas, las raits da distribuziun ed als clients finals.
Quai ha decidì il cussegl d'administraziun da la Swissgrid, la societad naziunala da la rait electrica. Per ils clients finals na sa midia nagut, lez pajan gia oz ils custs cun la taxa da la rait. En l'avegnir duain dentant ils custs vegnir purtads dals chaschunaders.
