Siglir tar il cuntegn
Inhalt

Svizra Swissmedic cloma enavos medicaments

Tar ils medicaments sa tracti da tablettas che cuntegnan la substanza «valsartan». Intginas scharschas pudessan esser tschuffragnadas cun in ina substanza che po chaschunar cancer.

Purtret dal logo da Swissmedic.
Legenda: Swissmedic cloma enavos medicaments che cuntegnan «valsartan». Keystone

Clamà enavos vegnan scharschas dals quatter producents, Spirig HealtgCare, Axapharm, Hevepharm e Mepha Pharma. Pertutgads èn medicaments en l'entira Europa che cuntegnan valsartan dal producent chinais Zhejiang Huahai Pharmaceutical.

Dumandar il medi

Medicaments che cuntegnan valsartan vegnan duvrads per tractar ina pressiun auta dal sang ed era tar in'insuffizienza dal cor u in cor flaivel. Swissmedic avertescha però, da chalar da prender quests medicaments senza dumandar il medi. Betg tut ils medicaments cun valsartan derivan dals producents pertutgads.

RR novitads 15:00