Svizra - Swissmedic examinescha da scumandar daguts d’egls
L'institut da medischina svizzer Swissmedic examinescha da scumandar ils daguts d'egls dispitaivels «Ala Octa». Quests daguts vegnan suspectads da far perder la vesida.
Suenter cas en la Frantscha ed en la Spagna duai era avair dà cumplicaziuns en la Svizra. Quai ha confermà Swissmedic envers l'agentura da novitads SDA. En in ospital da la Svizra franzosa dettia in cas critic. La pussaivladad ch'i dettia in problem da qualitad saja gronda. Il med dad egls Ala Octa vegn duvrà tar operaziuns da la raitina.
