En Svizra dastg'ins duvrar davent dad immediat il medicament Remdesivir er ordaifer studis clinics per tractar pazients da Covid-19. Quai ha communitgà Swissmedic, l'institut svizzer per products terapeutics. Uschia pon vegnir tractads dapli pazientas e pazients che patteschan d'ina puntga pervi dal Sars-CoV-2 virus e che dovran supplementarmain oxigen.
Ils 29 da zercladur ha Swissmedic survegnì la dumonda per ina licenza limitada da Remdesivir e lantschà ina procedura sperta.