La procura publica federala vul investigar cunter il directur da Swissmem, Stefan Brupbacher. Ella haja inoltrà la dumonda al departament federal da giustia, ha la procura confermà ils rapports en las gasettas da Tamedia. Il schef da l'associaziun da l'industria da maschinas, electro e metal, è gia dapi in mument en il visier da la giustia pervi d'in'eventuala violaziun dal secret d'uffizi.
Brupbacher haja il 2018, lura anc sco secretari general da l'anteriur cusseglier federal Johann Schneider-Ammann, dà vinavant infurmaziuns confidenzialas a ses futur patrun, la Swissmem. Brupbacher sez refusa la renfatscha.
RR novitads 12:00