Per che tut funcziunia sin l'areal uschè grond sco 14 plazzas da ballape dovri experts, massa gidanters ed anc dapli material. La Bernexpo è numnadamain per tschintg dis ina gronda fabrica temporara nua che in e scadin po vegnir a guardar ed en blers lieus er empruvar ora sez las lavurs.
Co guarda la lavur da l'experta tar ils picturs, Selina Derungs or? E tge ston ins far per daventar schef-expert als Swiss Skills? Co guarda il plazzal temporar per ils miradurs ora ubain l'installaziun nua ch'ils automatichers cumbattan per il titel da campiun Svizzer? U quant terratsch è vegnì transportà sin l'areal da la Bernexpo per ch'ils ortulans e las ortulanas da cuntrada possian mussar lur «skills»? ... Qua chattais in schatg da quai che capita davos las culissas la pli gronda show da professiuns dal mund u er quai ch'ils visitaders vesan be da lunsch.
1 / 18
Legenda:
Experts guardan sin mitga degagl:
Qua tar las spezialistas e spezialists da sanadad.
SRF, Severin Nowacki
2 / 18
Legenda:
In baratsch artifizial serva a las assistentas da pratica da medi per mussar lur savida.
SRF Severin Nowacki
3 / 18
Legenda:
Magari guarda er in team da la televisiun als candidats ed a las candidatas sur las spatlas.
SRF, Severin Nowacki
4 / 18
Legenda:
Passa 10 teams da camera filmeschan differentas parts dals Swiss Skills per la televisiun.
SRF, Severin Nowacki
5 / 18
Legenda:
Las ultimas emprovas per la part dal Telesguard, live da Berna.
RTR, Gion Gieri Flepp
6 / 18
Legenda:
Il spezialist da transports sin via Livio Dosch en l'intervista cun Livio Chistell per il Telesguard da mesemna saira.
RTR, Gion Gieri Flepp
7 / 18
Legenda:
Ils plazs da lavur da las cusunzas e dals cusunz sa chattan sin in dals plauns sura da las hallas da la Bernexpo.
SRF, Severin Nowacki
8 / 18
Legenda:
Ils vernischaders e vernischadras d'autos ston lavurar fitg exact.
SRF Severin Nowacki
9 / 18
Legenda:
Per daventar campiun svizzer dovri dapli che be savair tschentar in simpel palantschieu.
SRF, Severin Nowacki
10 / 18
Legenda:
Er tar ils mastergns dal bajetg controlleschan ils experts quant exact ch'ils candidats lavuran.
SRF, Severin Nowacki
11 / 18
Legenda:
Per els è vegni transportà pliras tonnas tarratsch al lieu:
Ils ortulans han da contruir in plaz tar il tema Russia, construcziuns da lain tutgan era tiers.
SRF, Severin Nowacki
12 / 18
Legenda:
Ils constructurs e las constructuras da bastiments lavuran cun bler lac e colur, uschia savuri er en lur tenda.
SRF, Severin Nowacki
13 / 18
Legenda:
I vala da tutgar uschè exact la frisura sco sin la fotografia.
SRF, Severin Nowacki
14 / 18
Legenda:
Pronts per ils spezialists da transports sin via:
Quels han tranter auter d'absolver divers pensums cun camiuns.
RTR, Gion Gieri Flepp
15 / 18
Legenda:
Anc hai bler plaz en las hallas senza aspectaturAs e candidatAs.
RTR, Gion Gieri Flepp
16 / 18
Legenda:
Ils plazs da lavur dals polimecanists avant la concurrenza.
RTR, Gion Gieri Flepp
17 / 18
Legenda:
Mardi avantmezdi:
CandidatAs ed expertAs da las professiuns tecnicas survegnan las emprimas informaziuns.
RTR, Gion Gieri Flepp
18 / 18
Legenda:
Mardi suentermezdi:
Las cuschinas temporaras èn prontas, be ils cuschiniers mancan anc.
RTR, Gion Gieri Flepp
La calma avant la tempesta il mardi
Las grondas hallas da la Bernexpo e las tendas oravant paran dad avair anc massa spazi vit cura che be las plazzas da lavur cun maschinas e guaffens ed ils candidats e candidatas las emplainan. Fin mardi saira èn anc vegnidas fatgas las ultimas preparaziuns: Saja quai lura ils polimecanists che han empruvà or ed endrizzà lur maschinas ubain ils cuschiniers che han empleni lur frestgeras... A la fin è però tut pront per la pli gronda sa preschentar al public.
audio
Saira: Swiss Skills – Impressiuns in di avant l'avertura
