Siglir tar il cuntegn
Inhalt

Svizra Syna cunter emnas da lavur da 50 uras

Il sindicat Syna crititgescha ils patruns da lavur da la branscha da construcziun ed ils plans dal SGV da schluccar la lescha da lavur.

Bandieras dal sindicat Syna.
Legenda: Il sindicat Syna crititgescha ils impressaris da construcziun. Keystone

La conferenza da la branscha da construcziun dal sindicat Syna crititgescha ils patruns da lavur. Ils impressaris constructurs offrian als lavurers mo mieulas entagl d'in auzament da paja. Uschia il facit suenter l'inscunter dals lavurers oz ad Olten. Als impressaris constructurs giaja bain - quels hajan fatg ils davos onns gronds gudogns - uschia Guido Schluep, manader da branscha dal sindicat Syna.

Plinavant crititgescha il sindicat Syna era ils plans da l'Uniun d'artisanadi e mastergn (SGV) per schluccar la lescha da lavur ed uschia auzar il temp da lavur maximal sin 50 enstagl da 45 uras per emna. Quai saja inacceptabel, la Svizra haja gia uss ils pli lungs temps da lavur da l'entira Europa.

RR novitads 18:00