Il schef dal concern agrar Syngenta pretenda ch'ins chalia cun la producziun da bio. Quai en vista ad ina crisa da fomaz mundiala. La racolta da bio saja numnadamain fin a 50% pli bassa ed i vegnia duvrà dapli funs.
Sminuir perditas da racolta
Pajais ritgs sajan obligads dad augmentar lur porducziun agrara per evitar ina crisa da fomaz mundiala, ha ditg Erik Fyrwald en ina intervista cun la «NZZ am Sonntag». La producziun da bio promovia il diever da funs perquai ch'ins dovria là dapli. Bain duai esser pussaivel da cumprar products da bio, dentant duain las regenzas insiter che las perditas da la racoltas vegnian sminuidas.
La fom per charn
Il president da l'Uniun da purs pitschens, Kilian Baumann ha numnà questa argumentaziun da Fyrwald «grotesc». Betg la producziun da bio mabain la fom per charn chaschunia ch'i vegnia duvrà dapli funs, scriva el sin Twitter.