Il concern d'agrochemia Syngenta paja bun 1,2 milliuns dollars per terminar ina dispita cun l'autoritad per la protecziun da l'ambient dals Stadis Unids EPA.
En la dispita vai per la vendita da pesticids che n'èn betg vegnids declerads correctamain. L'autoritad americana crititgeschia tranter auter che Syngenta haja duvrà etichettas antiquadas che na sajan betg stadas confurmas a las normas pretendidas.
Radund in terz dals 1,2 milliuns dollars tutga ad in chasti civil, il rest ad in project per la protecziun da l'ambient.
RR novitads 11:00