Il ferm dollar ha fatg in stritg tras il quint al concern d'agrochemia Syngenta. La svieuta è sa reducida l'emprim semester da quest onn per 10% sin passa 7,6 milliardas dollars.
Sut il stritg ha il concern svizzer gudagnà 1,21 milliardas dollars, quai èn 12% dapli ch'il medem temp da l'onn avant. Sco quai ch'il concern scriva saja quest resultat negativ surtut d'attribuir a las turbulenzas dals curs da stgomi. Tar curs stabils fissi la svieuta creschida per 3%, uschia Syngenta.
