Siglir tar il cuntegn

Header

cuntegn

Svizra Tadlar radio digital è IN

Gia radund la mesadad dal pievel svizzer taidla radio a moda digitala. La recepziun analoga via radis da UKW perda vinavant, e quai en tut las parts dal pajais e tar tut las generaziuns.

49% dals auditurs da radio taidlan radio a moda digitala. Quai mussan ils resultats da la segunda enquista davart il niz dal radio digital ch'èn vegnidas preschentadas oz.

Sin giavisch da la gruppa da lavur «Digitale Migration» retschertga l'institut GfK Switzerland dapi la primavaira 2015 il niz digital en Svizra. L'atun 2015 èn 49 da 100 minutas radio vegnidas tadladas a moda digitala. Tar l'emprima enquista la primavaira 2015 era quai 45 minutas. Surtut en la Svizra latina è la derasaziun da radios digitals creschida.

DAB+ en l'auto vegn plaunsieu

A chasa ed al lieu da lavur ha il radio digital, che vegn retschavì sur DAB+ ubain sur l'internet, gia surpassà il radio analog UKW. Er l'industria dad autos reagescha e fa adina dapli amogna autos cun radios DAB+.

La gruppa da lavur «Digitale Migration» che sa cumpona da represchentants da la branscha da radio e da l'Uffizi federal da communicaziun Bakom, ha definì ina procentuala da 68% sco cundiziun per metter giu definitivamain las undas da UKW.

RR novitads 11:00

Artitgels legids il pli savens